Monday, October 03, 2005
Random
Swak to ngayon sa akin. Random. Trenta lang ang babakahin natin, mga tsong.
Kumapit kayo ng mabuti dahil sisimulan na ang paglilitis.
1. Mali talaga na nilaklak ko yung isang box ng gatas kanina. Hindi naman ako nag-almusal. Na-ebs tuloy ako rito sa Philcoa. Hindi ko na sasabihin kung saan dito. Jolog, e. Syet.
2. Lagi akong nasa ospital kasi lagi akong may sakit. Hindi tulad nun na tinatamad lang ako at kung anu-anong palusot ang ginagawa ko para maka-absent, ngayon kailangan ko pang lumaklak ng maraming paracetamol at antibiotics para lang huwag umabsent.
3. Matagal na akong hindi nakakatikim ng chocolate at ice cream.
4. Pagod na ako sa pagtuturo. Pinipilit ko na lang. Pero lagi kong iniisip, tapos ako ng edukasyon at ipagpapatuloy ko na lang ang grad school. Malupet ako dati sa classroom. Kahit hindi kalakihan ang kita, mabangis pa rin. Labs ako ng mga bata kasi panalo kami at may natututunan silang malupet. Pero ngayon, kahit anong gawin ko, wala na talaga. Patay na.
5. Miss na miss ko na ang mga dati kong anak sa Pisay. 
6. Iniisip ko rin na konti pa. Baka kaya pa. Bahala na.
7. Taena Leader of the Band ang audio rito sa cafe. Mukhang gagu. Emote yung attendant.
8. Etong katabi ko, pervert ampotah. Nasa cafe tapos puro porn ang naka-open. Babae pa naman yung nasa kanan nya.. Hmmmm... Asian hotties.
9. Sabi ni Henry David Thoreau: "I went into the woods because I wanted to live deliberately. I wanted to live deep and suck out all the marrow of life ... to put to rout all that was not life; and not, when I came to die, discover that I had not lived."
10. Taena mo Thoreau.
11. Ano kaya ang buhay ko kung wala akong kamay? Walang pang-bonggos. Walang pansulat ng tula. Walang pang-hawak sa manibela. Walang pang-b*te. Malabo. (Tadu. Pang-bote yun. Huwag mo ko igaya sa'yo, manyak.)
12. Nagugutom na talaga ako. Kanina pa kumukulo ang sikmura ko. Kamusta kaya ang mga estudyante ko? Gutom na rin kaya sila?
13. Pagkatapos kong sumuka-suka nung Sabado, inaamin ko nang mahina ako sa Red Horse. Kahiya amp.
14. May mumu sa bahay namin. Kapag madaling-araw, nagpaparamdam. Kagabi, umungol at naglakad na naman sa sala patungo sa kusina. Dalawa kami sa bahay ang nakarinig. Rakenrol.
15. Ano na naman kaya ang sasabihin ng ermats ko kapag nalaman nya na gusto ko nang magpahinga sa trabaho? Magagalit kaya sya? Sasabihin na naman kaya nya yung classic lines na, "Sinabi na sa' yo, e. Ayaw na ayaw mong makinig sa akin. Ang tigas talaga ng ulo mo."
16. Si Ulan ang anghel ng buhay ko. Sana huwag s'yang magsawa.
17. Nabanggit ko noon sa isang kaibigan na aabot sa trenta y singko ang presyo ng petroylo bago matapos ang taon. Binabawi ko na yun. Dahil sa dami ng kaguluhang nangyayari, baka lumagpas pa ng singkwenta pesos ang gasolina.
18. Mukhang isang malanding matrona si Gloria pero ayaw lang nya aminin.
19. Ayon sa ilang katsokaran sa panulat, isa sa mga pinakamalaking hamon ng mga makata ng ating henerasyon ay ang pagpapamudmod sa mas malaking grupo ng mambabasa ang tula. Mabigat na kalaban ang napakaraming dibersyon na dala ng araw-araw na gawain at teknolohiya. Pero dagdag nila, pwedeng gamitin ang mga dibersyon na to para isulong ang tula. Tulad ng telebisyon. Kaya siguro napanood ko si Angelo Suarez na nagbasa ng tula sa Mel and Jay kahapon. Panalo.
20. Bigla akong na-excite sa Corpse Bride. Gusto kong makausap si Tim Burton kahit isang minuto lang.
21. Malapit nang matapos ang taon, wala pa ring malupet na bagyo. Hindi pa nasususpend ang klase sa amin. Syet.
22. Laging may naaaksidente sa Commonwealth. Kung ako kaya masagasaan at mamatay, magkano kaya ang ibibigay nung nakasagasa? Siguro ten thousand billion pesoses. Swerte ng pamilya ko.
23. Dito sa Philcoa, may ilang PC shop. Medyo mababagal yung iba. Mas ok ang mga cafe sa Anonas. May shop(s) na ang mga cubicle ay natatakpan lahat ng anggulo for privacy. Pero potaena, masangsang ang amoy ng ibang cubicle. Bakit kaya?
25. Saan ba ako makakahanap ng librong to? Yang libro na yan mismo.
26. Wala na kaming ginawa ng mga barkada dito sa amin kundi mag-DOTA. Puro na lang DOTA. Ay taena mali. Umiinom din pala kami minsan — pagkatapos naming mag-DOTA.
27. Ano ba ang depinisyon ng isang stalker? Pwede bang gamitin ang blog para mang-stalk? Ang sagot ko ay oo. Away, stalker. Away.
28. Hindi pa ba kayo nagsasawa sa mga revived/rehashed na kanta? Katulad nyo rin ba akong sukang-suka sa MYMP at sa buong baranggay ng mga nag-uulit lang ng kanta?
29. Lagi na lang ako tumatakbo. Napapagod na ako. I need new shoes. Potek anlabo.
30. Matanda na erpats ko pero sumasakay pa rin sya sa barko. Taena ganito ata ang buhay sa Pinas. Kung gusto mong umunlad kahit papaano, lumarga ka palayo. Ang mga nanatili ay mamamatay na dilat ang mata. Dito ako mamatay pero ipipikit ko mata ko para cute.
Amen.
QC, 12:30 pm
(10/03/05)